Hljómsveitin Varsjárbandalagið heldur uppi rífandi austur-Evrópustuði hvar sem hún kemur. Á efnisskránni eru gyðingatónlist og balkanmúsík ásamt slangri af íslensku efni og eigin tónsmíðum í austantjalds-anda.
Hljómsveitin var stofnuð í febrúar 2009 vegna leiksýningarinnar Orbis Terrae -ORA á Listahátíð 2009. Síðan þá hefur Varsjárbandalagið haldið reglulega tónleika, leikið í einkasamkvæmum og haldið dansleiki, m.a. á Þjóðlagahátíð á Siglufirði 2010 þar sem viðstaddir spændu upp dansgólfið.
Sveitarmeðlimir eru stemningsfólk og klæða sig upp í takt við tónlistina.
Hljómsveitina skipa:
Magnús Pálsson – Klarinett og söngur
Karl J. Pestka – Fiðla og söngur
Sigríður Ásta Árnadóttir – Harmonikka og söngur
Jón Torfi Arason – Trompet, Gítar og söngur
Steingrímur Guðmundsson – Trommur og slagverk
Hallur Guðmundsson – Bassi og söngur
